МСНЭ-ийн Телевиз хариуцсан Дэд Ерөнхийлөгчөөр Ө.Отгонбаатарыг сонгожээ

Монголын сэтгүүлчдийн нэгдсэн эвлэл /МСНЭ/-ийн Ээлжит II бага хурал өчигдөр /2018.11.12/ хуралдсан. МСНЭ-ийн Телевиз хариуцсан Дэд Ерөнхийлөгч А.Энхзул ажлаа өгсөнтэй холбоотойгоор тус албан тушаалд томилогдох хүнийг шинээр сонгосон ба ТВ5 телевизийн Ерөнхий Редактор Ө.Отгонбаатар Телевиз хариуцсан Дэд Ерөнхийлөгч боллоо.

Ө.Отгонбаатар нь 1998 онд Утга зохиол, нийгмийн ажилтны дээд сургуулийг сэтгүүлч мэргэжлээр төгссөн. 1998-1999 онд Ийгл телевизэд сурвалжлагчаар ажиллан, ажлын гараагаа эхэлж, 1999-2005 онд МҮОНРТ-ийн ММ агентлагт сурвалжлагч, тоймч, редактор, 2006 онд ММ агентлагийн захирлаар ажиллажээ.

2007-2012 онд С1 телевизийн мэдээний албаны дарга, 2013-2016 онд ТВ10 телевизийн захирал, 2016 оноос ТВ5 телевизийн ерөнхий редактораар ажиллаж байгаа юм.


Сүүлд нэмэгдсэн мэдээ